Get French Football News web-saýty, her ýyl adat bolşy ýaly, GFFN 100 reýtingini tanyşdyrdy. Onda Fransiýada möwsümiň iň gowy 100 oýunçysy görkezilýär. Bu barada m.sports.ru habar berýär.
2020-nji ýylyň jemleri boýunça sanawda ilkinji orny "Pari Sen-Žermeniň" goragçysy Markinýos eýeledi. Ol 2020-nji ýylda fransuz futbolynyň iň gowy oýunçysy diýlip ykrar edildi.
Markinýos sanawda geçen ýyl ilkinji orunlara mynasyp bolan topardaş hüjümçileri Neýmar (2-nji orun) bilen Kilian Mbappeden (3-nji orun) öňe geçmegi başardy.
4-nji orny "PSŽ-niň" ýarymgoragçysy Anhel Di Mariýa eýeledi. 5-nji setirde "Monakonyň" hüjümçisi Wissam Ben-Ýedder ýerleşdi.
Şeýle hem ilkinji onluga “Pari Sen-Žermeniň” derwezebany Keýlor Nawas (6-njy), “Lilliň” goragçysy Žoze Fonte (7-nji), “Renniň” ýarymgoragçysy Eduardo Kamawinga (8-nji), “Lilliň” ýarymgoragçysy Renatu Sançeş (9-njy) we bu toparyň derwezebany Maýk Menýan (10-njy) girdi.
