"Bawariýanyň" baş tälimçisi Hans-Diter Flik nemes neşiri bolan “Kicker” tarapyndan 2020-nji ýylyň şahsyýeti diýlip ykrar edildi. Bu barada championat.com habar berýär.
“Hatda FIFA boýunça ýylyň tälimçisi baýragynyň eýesi Ýurgen Klopp hem Flikiň bu baýragy almanyna geň galdy. Şeýle-de bolsa, “Bawariýanyň” tälimçisi bu senenama ýylynda ýene bir baýrak alar: Flik - neşir boýunça 2020-nji ýylyň şahsyýeti”-diýlip, "Kicker"-iň web sahypasynda aýdylýar.
Bu baýrak 1990-njy ýyldan bäri berlip gelinýär we indi resmi taýdan "Ýylyň adamyndan" "Ýylyň şahsyýetine" öwrüldi. Flik "Bawariýadan" bu baýragy alan sekizinji adam. Geçen möwsümde "Bawariýa" Germaniýanyň çempiony boldy we Çempionlar ligasynda hem-de milli kubokda ýeňiş gazandy. Flik mýunhenli topara 2019-njy ýyldan bäri tälimçilik edip gelýär.
