Ýaponiýada adat boýunça geçip barýan ýylyň nyşany bolan ieroglif saýlandy, 2020-nji ýylda bu “ýakyn” manysyny aňladýan “misu” nyşany boldy. Bu barada ren.tv habar berýär.
Bu saýlama koronawirus pandemiýasy döwründe üç maslahat, ýagny adamlaryň üýşmeginden, dar ýerlerden, ýakyn aragatnaşyklardan gaça durmak bilen baglanyşyklydyr. Adat boýunça her ýylky ieroglif Kioto şäherindäki “Kiýomidzu-dera” budda ybadathanasynyň baş ruhanysy tarapyndan uly çotga we syýa bilen kagyzyň üstünde çekilýär.
Saýlanan ieroglifiň “ýakyn”, “dykyz” ýa-da “gizlin” ýaly manylary bar. Ýaponiýada pandemiýa bilen göreşiň dowamynda başynda “ýakyn” manyly ieroglif bolan “üç misu” (“sanmisu” ýa-da “misu-no misu”) aňlatmasy ýörgünli boldy.
Ýaponiýada ýazuw görnüşinde ýaponlaryň entek öz ýazuw dili ýok wagtynda alan hytaý ieroglifleri ulanylýar. Hytaýdan ieroglifler Koreýa we Wýetnama hem baryp ýetdi, emma wagtyň geçmegi bilen ondan ýüz öwrüldi.
Ieroglifler – geçip barýan ýyllaryň nyşanlary Ýaponiýada 1995-nji ýyldan bäri saýlanýar, bu däp Hytaýda hem bar. Ýatlap geçsek, adaty milli pikir soraşmanyň netijesinde “tertiplilik”, “sazlaşyk”, “buýruk”, “gözellik” manylaryny aňladýan “reý” ieroglifi Ýaponiýada 2019-njy ýylyň nyşany boldy.
