Hytaý Aýda baýdagyny dikdi

Hytaý Aýda baýdagyny dikdi

Hytaý Chang’e 5 missiýasynyň çäginde Aýyň üstünde milli baýdagyny dikdi. Degişli surat CGTN teleýaýlymy tarapyndan görkezildi. Bu barada lenta.ru habar berýär.

Baýdak sütüni aýratyn materialdan taýýarlanylyp, bary-ýogy 12 g agrama eýedir. Şeýlelikde, Hytaý Ýeriň tebigy hemrasynda baýdagyny diken üçünji ýurt boldy. Mundan ozal ABŞ bilen SSSR baýdak dikipdi.

“Bu Hytaýyň Aýda fabrikde öndürilen hakyky milli baýdagyny ilkinji gezek görkezişi” – diýip, teleýaýlym habar berdi hem-de ozalky Chang’e 3 we Chang’e 4 missiýalarynyň dowamynda milli baýdagyň “kosmos gämisiniň örtgüsi görnüşinde görkezilendigini” belläp geçdi.

3-nji dekabrda Chang’e 5 missiýasynyň uçuş enjamy Aýyň üstünden uçdy. Adam tarapyndan döredilen jisim Ýeriň tebigy hemrasyndan iň soňky gezek 44 ýyl mundan ozal çykdy (1976-njy ýylda Sowet Soýuzynyň “Luna-24” enjamy).
Chang’e 5 Aýa 1-nji dekabrda gondy. Ol Wençan kosmodromyndan Long March 5 agyr raketanyň kömegi bilen 24-nji noýabrda uçuryldy.
Chang’e 5 missiýasynyň çäginde Aýyň üstüni burawlama işi geçirildi. Şeýlelik bilen, Aýyň görünýän tarapynyň demirgazyk-günbatar böleginde ýerleşýän Rýumker depesinden iki kilogram töweregi alnan wulkan gelip çykyşly nusgalar dekabryň üçünji hepdesinde Ýere getirilmeli.