Hytaýly 14 ýaşly mekdep okuwçysy Ren Keýu dünýäniň iň uzyn boýly ýetginjegi hökmünde ykrar edildi we Ginnesiň rekordlar kitabyna girizildi. Onuň boýunyň 221 santimetre ýetýändigi bellendi. Bu barada Ginnesiň rekordlar kitabynyň web sahypasyna salgylanyp, cursorinfo.co.il habar berýär.
Oktýabr aýynda Ginnesiň rekordlar kitabynyň ýanyndaky komitetiň wekilleri ýetginjegiň dik duran we ýatan ýagdaýyndaky boýuny birnäçe gezek ölçediler.
Sýaoýuý lakamyny alan Ren Keýunyň şeýle uzyn boýunyň haýsydyr bir kesel sebäpli ýüze çykmaýandygy bellärliklidir. Oglanyň özi bu aýratynlygynyň genetika bilen baglanyşyklydygyna ynanýar.
Ren boýunyň şeýle uzyndygy üçin bir azajyk aladalanýar. Şol bir wagtyň özünde ol gowy okuwçy we örän köp okaýar. Ol boş wagtlary, esasan, wideo oýunlaryny oýnaýar we kiber sportçy bolmagy arzuw edýär.
