Daniil Medwedew ATP-niň Jemleýji ýaryşynda ýeňiji boldy

Daniil Medwedew ATP-niň Jemleýji ýaryşynda ýeňiji boldy

Rus tennisçisi Medwedew tennis hünärmenleri birleşiginiň (ATP) Jemleýji ýaryşynda ýeňiji boldy. Bäsleşik Londonda geçirildi.

Jemleýji oýunda Medwedew 4:6, 7:6 (7:2), 6:4 hasabynda dünýäniň üçünji raketkasy bolan awstriýaly Dominik Timden üstün çykdy. Finala barýan ýolda tennisçileriň ikisi-de ATP-niň reýtinginiň ilkinji iki setirini eýeleýän serb Nowak Jokowiçi we ispaniýaly Rafael Nadaly ýeňdiler. Medwedew toparçada dünýäniň ilkinji raketkasy Jokowiç bilen, ýarym finalda Nadal bilen duşuşdy. Ol Tim bilen bäş oýun oýnady, olaryň üçüsinde awstriýaly tennisçi ýeňiş gazandy.
24 ýaşly Medwedew üçin bu Jemleýji ýaryşda birinji ýeňiş boldy, ol ýaryşa ikinji gezek  gatnaşýar. Geçen ýyl ol üç oýunda-da utulyp, toparçasynda dördünji orny eýeledi. Bu möwsümde bolsa ol toparçadaky duşuşyklaryň üçüsinde hem ýeňiş gazandy.
Medwedew dünýä reýtinginde dördünji orunda durýar we ATP-niň dokuz sany titulyna eýe.