Dünýäniň iň ygtybarly awtoulaglarynyň sanawy düzüldi

  • 22.11.2020 20:10
  • 18k+

Amerikanyň «Consumer Reports» žurnalynyň analitikleri dünýäniň iň ygtybarly awtoulag öndürýän markalarynyň reýtingini düzdüler. Bu barada RIA Nowosti habar berýär.

Ýaponiýanyň Mazda kompaniýasy mümkin bolan 100-den 83 bal toplap, sanawda birinjiligi eýeleýär. Hünärmenleriň pikiriçe, onuň iň ygtybarly modelleri: MX-5 Miata, CX-30, CX-3.
Reýtingde ikinji orny Toyota markasy (74 bal) eýeleýär. Hünärmenler “Prius”, “Corolla” we “Prius Prime” modellerini aýratyn öňe tutýarlar. Üçünji orunda 71 bal toplan Lexus ýerleşýär. Analitikleriň pikirine görä, onuň iň ygtybarly modellerine UX, NX we GX degişli.
Şeýle hem ilkinji onluga Buick, Honda, Hyundai, Ram, Subaru, Porsche we Dodge ýaly awtoulag öndürijileri girdi.
Bu reýtingiň soňky bir ýylda öz awtoulaglarynda ýüze çykarylan kemçilikler barada barlagçylara habar beren 330 müň sürüjiniň maglumatlaryna esaslanýandygy nygtalýar.

düýn 20:08
5k+

Täzelenen Toyota HiLux ilkinji gezek rozetkadan zarýad alýan görnüşde we 8 basgançakly karobka bilen çykar

Toyota kompaniýasy HiLux pikabynyň täze plagin gibrid (PHEV) wersiýasyny taýýarlaýar. Ýapon çeşmeleriň ýazmagyna görä, bu modeliň elektrikleşdirilmegine gönükdirilen ilkinji ädim bolar we Ford Ranger PHEV hem-de BYD Shark 6 ýaly bäsdeşlere gönüden-göni jogap hökmünde çykarylar...

düýn 15:41
2.2k+

Tesla-nyň satuwy 13% pese gaçdy, kompaniýa kyn döwri başdan geçirýär

2025-nji ýylyň ikinji çärýeginde Tesla 384 122 awtomobil satdy, bu bir ýyl ozalkydan 13% azdyr. Kompaniýa yzygider ikinji çärýek satuwyň pese gaçmagy bilen ýüzbe-ýüz bolar. Ösüşe gaýdyp gelmek üçin, kompaniýa ýylyň ikinji ýarymynda tas 110 000 ulag artyk satmaly diýip, Bloomberg ýazýar...

düýn 14:41
3.9k+

Hindistanda 275 ýewro bahadan köpçülikleýin elektrokar çykaryldy

Hindistanda dünýäde iň elýeterli elektromobil bolan Yakuza Mini Electric Car-yň satuwy başlandy. Onuň bahasy 275 ýewro barabar. Ykjam ulag şäher şertleri üçin niýetlenip, eýýäm ýurtdan daşary hem ünsi çekdi. Ol resmi şahadatnama aldy we konsept hökmünde däl-de, yzygiderli çykarylýar...

05.07.2025 19:15
3.4k+

Mitsubishi «Grandis» modelini Renault-nyň platformasynda gibrid krossower görnüşinde täzeden dikeltdi

Mitsubishi kompaniýasy täze Grandis krossowerini hödürledi. Bu model 13 ýyllyk arakesmeden soň Ýewropa bazaryna dolanyp gelýär. Öňler miniwen görnüşinde çykarylan Grandis, indi Renault-yň platformasynda gurlan gibrid krossower görnüşinde täzeden döredildi...