Holandyň bir oýunda dört goly Dortmundyň "Borussiýasyna" ýeňiş getirdi

  • 22.11.2020 14:22
  • 4.5k+
Holandyň bir oýunda dört goly Dortmundyň "Borussiýasyna" ýeňiş getirdi

Germaniýanyň futbol çempionatynyň sekizinji tapgyrynda Dortmundyň "Borussiýasy" Berliniň "Gertasyny" myhmançylykda ýeňdi. Duşuşyk 5:2 hasabynda tamamlandy.

Oýunda "Borussiýadan" Erling Holand dört gol geçirdi (47, 49, 62 we 70 minut), bäşinji goly Rafael Gerreýru (70) tora girizdi. "Gertanyň" iki goluny hem Mateus Kunýa geçirdi (33, 79 - 11 metrlik jerime urgusyndan). 85-nji minutda Holandyň ýerine meýdança Ýussufa Mukoko girdi. Mukoko Bundesliganyň oýnunda meýdança giren iň ýaş oýunçy boldy. Ol 16 ýaşap, bir gün geçende çempionatda ilkinji gezek oýna çykypdy.
Germaniýanyň çempionatynda iň köp pökgi geçirenleriň sanawynda Holand ikinji ýeri eýeledi, onuň hasabynda 10 pökgi bar. Sanawyň başyny 11 goly bilen mýunhenli “Bawariýanyň” hüjümçisi Robert Lewandowski çekýär.
"Borussiýa" 18 utuk bilen ýaryşyň jedwelinde ikinji orunda barýar. Birinji orunda bir utuk tapawut bilen "Bawariýa" ýerleşýär.

2029-njy ýylyň gyşky Aziýa oýunlary Gazagystanda geçiriler
şu gün 00:24
304

2029-njy ýylyň gyşky Aziýa oýunlary Gazagystanda geçiriler

2029-njy ýylyň gyşky Aziýa oýunlary Almaty şäherinde geçiriler. Degişli resminama Milanda Gazagystanyň Milli Olimpiýa komitetiniň (MOK) prezidenti Gennadiý Golowkin we Aziýanyň Olimpiýa geňeşiniň başlygy Joan bin Hamad Al-Tani tarapyndan gol çekildi...

Canal+ XXI asyryň iň gowy derwezebanlarynyň adyny yglan etdi
düýn 16:36
3.2k+

Canal+ XXI asyryň iň gowy derwezebanlarynyň adyny yglan etdi

Canal+ teleýaýlymynyň žurnalistleri XXI asyryň iň gowy derwezebanlarynyň reýtingini düzdüler. Birinji orny Mýunheniň «Bawariýasynda» oýnaýan nemes golkiperi Manuel Noýer eýeledi. Ikinji orunda Italiýanyň milli ýygyndysynyň we Turiniň «Ýuwentus» toparynyň öňki derwezebany Janluiji Buffon ýerleşdi...

Aşgabatda çagalaryň we ýetginjekleriň arasynda ýurduň ussat küştçüleri kesgitlenildi
düýn 16:24
1.4k+

Aşgabatda çagalaryň we ýetginjekleriň arasynda ýurduň ussat küştçüleri kesgitlenildi

Aşgabat şäherinde çagalaryň we ýetginjekleriň arasynda geçirilen küşt boýunça Türkmenistanyň çempionaty tamamlandy. Ýaryşyň jemleýji tapgyry rapid we blitz boýunça ýaryşlar boldy we olaryň netijeleri boýunça ýaş türgenleriň arasynda 72 medal paýlandy...

Mbappe ejesine ýylda 4,5 million ýewro iş hakyny töleýär
düýn 15:18
7.1k+

Mbappe ejesine ýylda 4,5 million ýewro iş hakyny töleýär

Fransiýanyň milli ýygyndysynyň we Madridiň «Realynyň» hüjümçisi Kilian Mbappe her ýyl ejesi Faýza Lamariýä 4,5 million ýewro möçberinde iş hakyny töleýär. Bu barada derbyderbyderby.it portaly habar berýär. Portalyň maglumatyna görä, bu mukdar futbolçynyň girdejisiniň takmynan 30%-ine barabar...