GDA gatnaşyjy döwletleriň Medeni hyzmatdaşlyk boýunça mejlisi geçirildi

  • 19.11.2020 23:49
  • 3k+
GDA gatnaşyjy döwletleriň Medeni hyzmatdaşlyk boýunça mejlisi geçirildi

Türkmenistanyň wekiliýeti GDA gatnaşyjy döwletleriň Medeni hyzmatdaşlyk boýunça geňeşiniň wideomaslahat görnüşinde geçirilen XXXV mejlisine gatnaşdy.

Duşuşykda medeni alyşmalary işjeňleşdirmek meseleleri, GDA gatnaşyjy döwletleriň medeniýet ulgamynda 2016-2020-nji ýyllarda hyzmatdaşlygynyň Esasy çäreleriniň ýerine ýetirilişiniň barşy, şeýle hem bu çäreleri 2021-2025-nji ýyllarada durmuşa geçirmek boýunça guramaçylykly işleri ara alyp maslahatlaşyldy.

Mejlisiň gün tertibine şeýle hem GDA-da halk döredijidiginiň we medeni mirasyň ýylyna bagyşlanan Çäreleriň meýilnamasynyň taslamasyny taýýarlamak, 2020-2022-nji ýyllarda “ARTEXPO” Halkara sergisini geçirmek meseleleri girizildi.

Şeýle hem muzeý işi ulgamynda hyzmatdaşlyk hakynda ylalaşygyň ýerine ýetirilişiniň, GDA ýurtlarynyň medeni mirasynyň wirtual muzeýi hakynda Düzgünnamanyň taslamasyny işläp taýýarlamagyň barşy, sungat ugurly ýokary okuw mekdepleriniň halkara hyzmatdaşlygy we golýazmalary rejelemek, gorap saklamak we sanlaşdyrmak boýunça iş tejribesi, medeni hyzmatdaşlyk ulgamynda beýleki möhüm meseleler ara alnyp maslahatlaşyldy.

Mejlisiň ahyrynda onuň işiniň jemleri jemlenildi hem-de GDA gatnaşyjy döwletleriň Medeni hyzmatdaşlyk boýunça geňeşiň çäklerinde indiki duşuşygy geçirmegiň senesi bellenildi.

 

Beýonse dollar milliarderleriniň sanawyna goşuldy
düýn 19:03
3.3k+

Beýonse dollar milliarderleriniň sanawyna goşuldy

Amerikaly aýdymçy Beýonse Noulz-Karter dollar milliarderi boldy. Forbes žurnalynyň maglumatlaryna görä, ol baýlygy bir milliard dollardan geçen bäşinji sazanda boldy. Ozal bu sanawa onuň adamsy – repçi Jay-Z, aýdymçylar Teýlor Swift we Rianna, şeýle-de Brýus Springstin girýärdi...

OpenAI emeli aň töwekgelçiliklerine baha bermek bölüminiň başlygy wezipesi üçin boş iş ornuny açdy
düýn 19:00
1.1k+

OpenAI emeli aň töwekgelçiliklerine baha bermek bölüminiň başlygy wezipesi üçin boş iş ornuny açdy

OpenAI emeli aň modelleriniň ösüşi bilen baglanyşykly bolan töwekgelçiliklere baha bermek we öňüni almak bilen meşgullanjak bölüm başlygyny gözleýändigini yglan etdi. Täze wezipe EA-nyň mümkinçilikleriniň artmagy bilen ýüze çykýan mümkin bolan howplaryň seljerilmegini göz öňünde tutýar...

Bir adam elde ýasalan agaç welosipedde tutuş Beýik Britaniýany aýlandy
düýn 18:52
6.2k+

Bir adam elde ýasalan agaç welosipedde tutuş Beýik Britaniýany aýlandy

Beýik Britaniýanyň ýaşaýjysy Kidus Tesera öz ýasan agaç welosipedinde tutuş ýurt boýunça syýahata ugrady. Onuň täsin syýahaty barada The Guardian gazeti habar berýär. Asly Efiopiýaly bolan bu adam sekiz ýyl mundan ozal Londonyň Imperiýa kollejinde okamak üçin Angliýa gelýär we tiz wagtdan şol bir gündelik durmuşa başlandygyny we öz medeniýeti bilen aragatnaşygy ýitirýändigini duýýar...

TMCARS: “Täze – 2026-njy ýylyňyz gutly bolsun!"
31.12.2025 16:47
76k+

TMCARS: “Täze – 2026-njy ýylyňyz gutly bolsun!"

TMCARS-yň gadyrly ulanyjylary! Sizi Täze ýyl bilen tüýs ýürekden gutlaýarys! Goý, 2026-njy ýyl durmuşyňyzda iň bir arzyly maksatlaryňyza ýetmäge mümkinçiliklere baý ýyl bolsun! Geçip barýan ýylda biziň platformamyz size has elýeterli hem has ýakyn bolmaga çalyşdy: 5 milliondan gowrak ulanyjy bize ynam bildirip, her gün on müňlerçe bildiriş ýerleşdirýär...