Russiýa koronawirus sebäpli daşary ýurtly talyplary kabul etmäge taýýar däl

Russiýa koronawirus sebäpli daşary ýurtly talyplary kabul etmäge taýýar däl

Russiýanyň ýokary okuw mekdeplerinde okaýan daşary ýurtly talyplaryň üçden biri häzir daşary ýurtlarda bolýarlar. Koronawirus epidemiýasy sebäpli Russiýa heniz daşary ýurtly talyplary kabul etmäge taýýar däl diýip, Russiýanyň rektorlar bileleşiginiň ýygnagynda Ylym we ýokary bilim ministri Waleriý Falkow habar berdi. Muny rg.ru ýetirýär.

- Koronawirus bilen baglanyşykly ýagdaý sentýabr aýyndaky görkezijilerden  düýpgöter tapawutlanýar. Birnäçe ýurtdan, şol sanda GDA ýurtlaryndan talyplar, elbetde, gelmek isleýärler, ýöne häzir muňa mümkinçilik ýok. Şäherlerimizdäki we uly uniwersitetlerimizdäki ýüze çykan ýagdaýlary özüňiz görýärsiňiz, şonuň üçin bu wagt daşary ýurtly talyplary kabul etmäge taýyn däl. Ýagdaý sentýabr aýynyň başyndaky ýagdaýdan düýpli üýtgedi – diýip, ministr belledi.

Şol bir wagtyň özünde, ministr häzirki wagtda uzak aralykdan bilim alýan daşary ýurtly birinji ýyl talyplaryna aýratyn üns bermelidigini, bilimiň hilini üpjün etmek üçin aýratyn çemeleşmeleri tapmalydygyny belledi.

Şeýle-de, ministr RF-iň ýokary okuw mekdepleriniň köpüsiniň okuw ýylynyň ahyryna çenli maliýe goldawyny aljakdygyny aýtdy.