Angliýa 2020-nji ýylda geçiriljek UEFA-nyň futbol boýunça Ýewropa çempionatyny ýeke özi kabul etmek isleýär we eýýäm bu barada UEFA bilen gepleşikleri geçirýär. Bu barada sports.ru habar berýär.
Habar beriş serişdelerinde aýdylmagyna görä, Angliýanyň Futbol Assosiasiýasy (FA) koronawirus pandemiýasy janköýerleriň ýurtlara ötüp-geçmegi bilen baglanyşykly kynçylyklar dörän halatynda, UEFA-a şeýle teklip bilen ýüz tutdy.
Neşiriň belleýşi ýaly, FA-nyň bu pikiri entek iňlis hökümeti tarapyndan goldaw tapmady. UEFA henizem bu ýaryşy Ýewropanyň 12 şäherinde geçirmegi göz öňünde tutýar.
Şol bir wagtyň özünde, Ýewropa futbolynyň ýolbaşçylary ýaryşy geçirmegiň pandemiýa bilen baglanyşykly dürli wariantlaryna seredýärler. Hususan-da, UEFA Beýik Britaniýany ýaryşyň ýeke-täk ýer eýesi hökmünde görýär.
Kontinental çempionat tomusda Ýewropanyň 12 şäherinde geçirilmelidi. Ýewro-2020 adyny henizem saklaýan ýaryş “COVID-19” sebäpli 2021-nji ýylyň 11-nji iýunyndan 11-nji iýuly aralygynda geçiriler. Duşuşyklary meýilnama laýyklykda Baku, Budapeşt, Mýunhen, Kopengagen, Dublin, Bilbao, Rim, Amsterdam, Sankt-Peterburg, Buharest, Glazgo we London kabul etmelidi.