Aşgabatda iň arassa mekdep we çagalar bagy bäsleşigi başlandy

  • 01.11.2020 20:55
  • 10k+

Türkmenistanyň Bilim ministrligi tarapyndan yglan edilen Aşgabadyň iň arassa mekdebi we çagalar bagy bäsleşigi başlandy. Bäsleşik dünýäde dowam edýän koronawirus pandemiýasy döwründe has möhüm bolan arassaçylyk we şahsy gigiýena düzgünleriniň berk berjaý edilmegine bilim edaralarynyň okuwçylarynyň we işgärleriniň ünsüni çekmegi maksat edinýär diýip, ORIENT habar berýär.

Bäsleşige gatnaşyjylara 15 görkeziji, şol sanda lukmançylyk merkezleriniň iş şertleri, wirus ýokanjynyň ýaýramagyna garşy öňüni alyş çäreleriniň berjaý edilişi, dezinfeksiýa çäreleriniň geçiriliş derejesi we beýlekiler boýunça baha berler.
Şäher häkimligi we paýtagtyň etrap administrasiýalary, Saglygy goraýyş we derman senagaty ministrligi, Döwlet sanitariýa we epidemiologiýa gullugy bäsleşigiň geçirilmegine ýardam berer. Bu gurluşlaryň wekilleri bäsleşige gatnaşyjylara on bal şkala boýunça baha bererler.
Bäsleşik iki tapgyrda – etrap we şäher derejesinde geçiriler. Birinji tapgyr noýabryň ilkinji ongünlüginde, ikinji tapgyr şol aýyň soňky ongünlüginde geçiriler.

Häzirki wagtda Türkmenistanyň mekdeplerinde we çagalar baglarynda wirus ýokanjynyň ýaýramagynyň öňüni almaga gönükdirilen ýörite düzgünler hereket edýär. Synp otaglarynda iş stollarynyň arasynda 2 metr aralyk goýuldy. Sapaklaryň dowamlylygy gysgaldyldy, arakesme wagtynda synp otaglarynda dezinfeksiýa serişdeleri bilen arassalama işleri geçirilýär.
Bilim edaralaryna girmezden öň gelýän adamlaryň we okuwçylaryň temperaturasy ölçenilýär, elleri dezinfeksiýa edilýär. Bilim edarasynyň çägine diňe gorag lukmançylyk örtügi bilen girmäge rugsat berilýär.

şu gün 22:31
243

GQ Japan neşiri Hideo Kodzimany ýylyň «Iň gowy döredijisi» diýip yglan etdi

GQ Japan žurnaly Hideo Kodzimany «Ýylyň adamy» (Man of the Year) nominasiýasynda 2025-nji ýylyň «Iň gowy döredijisi» diýip yglan etdi. Neşiriň redaksiýasynyň pikirine görä, bu dörediji diňe bir oýun döretmek bilen çäklenmän, eýsem, kino we interaktiw mediýanyň arasyndaky serhetleri ýok edip, düýbünden täze görnüşli güýmenjeleri oýlap tapýar...

şu gün 21:19
1.8k+

ABŞ-da 74 ýaşly adam ogullyga alyndy we Ginnesiň rekordlar kitabyna girdi

Ginnesiň rekordlar kitaby ABŞ-nyň Pensilwaniýa ştatyndan bolan Bill Steýns baradaky täsin wakany gürrüň berýär. Birnäçe ýyl mundan ozal ol dünýäde ogullyga alnan iň garry adam boldy — ogullyga alnan wagtynda ol 74 ýaş we 303 günlükdi...

şu gün 21:08
809

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

şu gün 19:41
2.9k+

Dünýäde iň kiçi aty Ginnesiň rekordlar kitabyna girizildi

Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr. Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy...