Iň gowy «Jeýms Bond» aradan çykdy

Iň gowy «Jeýms Bond» aradan çykdy

Agent Jeýms Bonduň roly bilen dünýä meşhurlygyna eýe bolan britaniýaly aktýor Şon Konneri 91 ýaşynda aradan çykdy. Bu barada aktýoryň maşgalasyna salgylanmak bilen Bi-bi-si habar berýär.

Onuň aradan çykmagynyň sebäbi anyklaşdyrylanok.
Ýöne ogly Konneriniň ýatyrka aradan çykandygyny, ölmezinden öň onuň birnäçe wagtlap syrkaw bolandygyny aýtdy.
2003-nji ýylda artist ýarym asyrlyk karýerasyny tamamlady. 2009-njy ýylyň oktýabrynda “Wine Spectator” amerikan žurnaly bilen söhbetdeşlikde artist ýürek bozulmasynyň bardygyny aýtdy.
Aktýor 1930-njy ýylda Edinburgda dogulýar. Ol 1958-nji ýylda ilkinji gezek uly ekranda çykyş edýär, ýöne 1962-nji ýylda 007 agenti – Jeýms Bond barada kinolentanyň başlangyjyny goýan “Lukman No” filmi çykandan soň meşhur bolup başlaýar. Konneriniň meşhur işleriniň arasynda “Gyzyl Oktýabryň awlagynda” (1990), “Indiana Jons we soňky haçly ýöriş” (1989) we beýlekiler bar. 1988-nji ýylda Konneri “Oskar” baýragyna mynasyp boldy. Şeýle-de, iki gezek BAFTA baýragynyň eýesi we üç gezek “Altyn globusyň” eýesi boldy. 2000-nji ýylyň iýulynda Beýik Britaniýanyň şa zenany Ýelizaweta II Konnerä rysarlyk derejesini berdi.