Rospotrebnadzoryň ýolbaşçysy Anna Popowa Russiýa Federasiýasynda koronawirusa garşy üçünji sanjymyň bir aýdan bellige alnyp bilinjekdigini aýtdy. Bu barada RIA Nowosti habar berýär.
“Russiýa Federasiýasynyň COVID-19-a garşy iki sanjymy bar, üçünji sanjymyň hem bir aýdan bellige alynjakdygyny aýdyp bilerin” – diýip, Popowa belleýär.
Russiýanyň Saglygy goraýyş ministrligi awgustda Gamalei adyndaky Epidemiologiýa we mikrobiologiýa milli barlag merkezi tarapyndan döredilen we Russiýanyň göni maýa goýum gaznasy bilen bilelikde öndürilen “Sputnik V” atly ilkinji sanjymy bellige alypdy.
14-nji oktýabrda Russiýanyň prezidenti Wladimir Putin “Wektor” döwlet ylmy merkeziniň döreden koronawirusa garşy sanjymynyň bellige alnandygyny habar berdi, sanjyma “EpiWakKorona” ady berildi.
6-njy oktýabrda Russiýanyň ylymlar akademiýasynyň M.P.Çumakowa adyndaky barlaglar we immunobiologiki serişdeleri taýýarlamagyň Federal ylmy merkezi hem koronawirusa garşy öz sanjymynyň kliniki synaglaryna başlandygyny habar berdi.
