Himiýa ylmyny we tehnologiýalaryny toplumlaýyn ösdürmegiň Döwlet maksatnamasy taýýarlanyldy

  • 12.09.2020 17:30
  • 7.9k+

Türkmenistanda himiýa ylmyny we tehnologiýalaryny toplumlaýyn ösdürmegiň 2021 — 2025-nji ýyllar üçin Döwlet maksatnamasynyň taslamasy Gurbanguly Berdimuhamedowyň garamagyna hödürlenildi.

Anna güni geçirilen Hökümet mejlisiniň barşynda bellenilişi ýaly, bu maksatnama degişli ministrlikler we pudaklaýyn dolandyryş edaralary tarapyndan işlenip taýýarlanyldy.
Ýakyn ýyllarda himiýa ylmynyň we täze himiýa tehnologiýalaryň üsti bilen ekologiýa taýdan arassa, energiýa tygşytlaýjy, daşary ýurtlardan getirilýän harytlaryň ornuny tutýan hem-de dünýä bazarynda bäsdeşlige ukyply önümleri öndürmegiň innowasion tehnologiýalaryny işläp düzmek boýunça yzygiderli işleri geçirmek meýilleşdirilýär.
Gurbanguly Berdimuhamedowyň belleýşi ýaly, ýaş alymlary taýýarlamak, dünýäniň belli ylmy-barlag merkezleri bilen özara bähbitli halkara hyzmatdaşlygyny ýola goýmak, häzirki zaman şertlerinde uly islege eýe bolan täze tehnologiýalary işläp taýýarlamak meselelerine ilkinji derejeli üns berilmelidir, şolaryň önümçilige giňden ornaşdyrylmagy ýurdumyzda öndürilýän ýokary hilli hem-de bäsdeşlige ukyply, diňe bir içerki bazarda däl-de, dünýä bazarynda-da uly islege eýe bolan önümleriň önümçiligini yzygiderli giňeltmäge hem-de görnüşlerini artdyrmaga mümkinçilik berer.

şu gün 20:51
1k+

Garynjalarda agalygy eýelemegiň täsin taktikasy ýüze çykaryldy

Ýaponiýaly alymlar garynjanyň käbir görnüşleriniň başga koloniýalary eýelemek üçin ulanýan täsin mehanizmini ýüze çykardylar. Görnüşine görä, käbir korolewa-basyp alyjylar himiki ýaragy ulanyp, işçi garynjlary aldaw bilen öz urugbaşyny ýok etmäge mejbur edýärler we onuň ýerini eýeleýärler...

şu gün 10:29
1.9k+

Seagate-iň täze magnit diski 55–69 TB-lyk HDD döretmäge ýol açýar

Seagate bir çeýe diskde (HDD) saklama möçberiniň çäklerini giňeltmegini dowam etdirýär. Kompaniýa laboratoriýa şertlerinde her bir plastinkada 6,9 TB-lyk uly göwrümi gazandy. Bu bolsa 55-den 69 TB göwrümli çeýe diskleri (HDD) döretmäge mümkinçilik berýär diýip, IT Home habar berýär...

28.11.2025 11:42
2.3k+

Amazon ilkinji müşderiler üçin öz hemra internetine elýeterliligi açdy

Amazon ilkinji korporatiw müşderiler üçin öz Amazon Leo (öň Project Kuiper) hemra internetine çäkli elýeterliligi berdi. Bu barada kompaniýanyň saýtynda habar berilýär. Şol bir wagtyň özünde internet ägirdi Amazon Leo Ultra hemra antennasyny hödürledi...

27.11.2025 13:17
4.1k+

NASA-nyň ESCAPADE Mars zondundan düşürilen ilkinji suratlary çap edildi

NASA Marsa tarap barýan ESCAPADE zondundan alnan ilkinji suratlary hödürledi. Suratlar apparatyň kadaly işleýändigini we öz işlerini ýerine ýetirmäge taýýardygyny tassyklaýar. ESCAPADE missiýasy 14-nji noýabrda Blue Origin kompaniýasynyň New Glenn super agyr raketasynyň kömegi bilen badalga aldy...