Nurmagomedow 35 ýaşdan soň ringe çykmaz

  • 08.09.2020 13:39
  • 26k+

Garyşyk söweş sungatynyň russiýaly wekili Habib Nurmagomedow 35 ýaşynda ýaryşlara gatnaşmak islemeýär diýip, INTERFAX habar berýär.

"Karýeramyň başky basgançagynda däldigim düşnükli. 32 ýaşap barýaryn. Meniň pikirimçe, bu gaty bir kyn döwür däl. 35 ýaşda ýeňil agramda çykyş etmek mümkin däl" diýip, Nurmagomedow “Match” teleýaýlymyna beren interwýusynda aýtdy.
"35 ýaşda-da, 40 ýaşda-da özümi dünýä derejesinde göremok" - diýip, ol belledi.
"Häzir men iň ýokary derejä ýetdim, ýöne hemme zadyň wagtlaýyn bolandygyna düşündim. Beýle ýaşda kim elitada söweşdi? Kadadan çykmak islärdim, ýöne bu meniň saglygyma howp salýar. 50-60 ýaşda maýyp bolmak islemeýärin" diýip, söweşiji gürrüň berýär.

Nurmagomedow ýeňil agramda UFC-niň çempiony. 31 ýaşly türgen garyşyk söweş sungatynda 28 tutluşykda 28 (sekiz nokaut bilen) ýeňiş gazandy.
24-nji oktýabrda ol Abu-Dabide amerikaly göreşiji Jastin Getji bilen söweşer.

düýn 19:46
3.6k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7.5k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:57
4.7k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

28.11.2025 23:17
4.9k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...