Uorren Baffet ýapon paýnamalaryny satyn alýar

Uorren Baffet ýapon paýnamalaryny satyn alýar

Ýolbaşçysy maýa goýujy-milliarder Uorren Baffet bolan Berkshire Hathaway amerikan holding kompaniýasy bäş sany uly ýapon kompaniýasynyň 5%-den gowrak paýnamasyny satyn alandygyny habar berdi, bu barada Kyodo agentligi habar berýär. Muny regnum.ru ýetirýär.

Bu kompaniýalara Mitsubishi, Mitsui & Co, Itochu, Sumitomo we Marubeni degişli. Uorren Baffet uzak möhletli maýa goýumlary meýilleşdirýär we Berkshire Hathaway özüniň aktiwini 9,9%-e çenli ýokarlandyryp biler diýlip, metbugat-relizde habar berilýär.
Kompaniýa Tokionyň gazna biržasynyň paýnamalarynyň kem-kemden, çen bilen, 12 aýyň içinde satyn alnandygyny aýtdy. Ýaponiýanyň gazna bazary bu habara 31-nji awgustda ösüş bilen jogap berdi. Umumy alanyňda, ol, takmynan, 1% ýokarlandy. Marubeni we Sumitomo kompaniýalarynyň paýnamalary 9%-den gowrak, Mitsubishi bilen Mitsui-niň paýnamalary 7% töweregi ýokarlandy, Itochu-nyň kagyzlary bolsa 4,2% gymmatlady.
30-njy awgustda 90 ýaşy dolan Baffet şeýle diýýär:

“Bu bäş sany esasy kompaniýa tutuş dünýä boýunça köp sanly bilelikdäki kärhanalara eýe, ähtimal, olar özleriniň hyzmatdaşlyk gatnaşyklaryny ösdürmegi dowam etdirerler”.

Maýa goýujy geljekde ikitaraplaýyn bähbitler üçin has köp mümkinçilik boljakdygyna umyt bildirdi.