«PSŽ» soňky minutlarda Çempionlar ligasynyň ýarym finalyna çykdy

  • 13.08.2020 14:13
  • 8k+

Düýn Lissabonda Çempionlar ligasynyň «Sekizleriň finaly» başlandy. Munda çärýek final tapgyryndan başlap, her gapma-garşylygyň ýeňijisi bir oýunda kesgitlenilýär.

Birinji çärýek final duşuşygynda «Atalanta» oýnuň 26-njy minudynda Paşaliçiň geçiren goly bilen duşuşygyň iň soňky minutlaryna çenli «PSŽ-den» öňde barýardy. Ýöne parižliler oýny öz peýdasyna tamamlamagy başardy. Tomas Tuheliň şägirtleri oýnuň 90-njy minudynda hasaby deňledi, soňra goşmaça wagtyň üçünji minudynda ýeňiş goluny geçirip, oýnuň netijesini doly kesgitledi. Netijede, oýun 2:1 hasabynda parižliler ýeňşi bilen tamamlandy. Ýeňijilerden gollary Markinýos we Çupo-Moting öz adyna ýazdyrdylar. Gollara degişlilikde Neýmar we Mbappe assist kömegini berdiler.

«Diýseň ajaýyp agşam. Bize juda kyn boldy. «Atalanta» hakykatdanam gowy topar. Umuman aýdanymyzda, gowy oýun boldy. Indi bolsa dynç almak gerek - men gaty ýadadym, ýöne ýeňenimize juda begenýärin» - diýip, «PSŽ-niň» hüjümçisi Neýmar oýundan soň Match teleýaýlymyna beren interwýusynda aýtdy.
«PSŽ» 1995-nji ýyldan bäri ilkinji gezek ýaryşyň ýarym finalyna çykdy, şol ýylda ol bu tapgyrda Italiýanyň ýene bir topary - «Milandan» utulypdy (0: 1, 0: 2).

Şeýle hem okap bilersiňiz:

düýn 19:46
3k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:57
4.5k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

28.11.2025 23:17
4.8k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...