Çempionlar ligasynyň 1/8 finalynyň jogap duşuşygynda «Bawariýa» öz «Alýans Arena» meýdançasynda londonyň «Çelsi» toparyny 4:1 hasabynda ýeňmegi başardy. «Bawariýanyň» düzüminde Lewandowskiý (10-nji min penalt., 83-nji min), Perişiç (24 min) we Tolisso (76 min) tapawutlanmagy başardy. «Çelsiniň» düzüminde bir pökgini Abraham (44 min) geçirmegi başardy.
Mýunheniň «Bawariýasy» iki duşuşygyň netijesi boýunça 7:1 hasap bilen üstün çykdy (1-nji duşuşygyň netijesi 3:0).
Çempionlar ligasynyň 1/8 final tapgyrynyň jogap oýny şeýle hem «Kamp Nouda» «Barselona» bilen «Napoliniň» arasynda geçdi. Duşuşyk katalonlylaryň peýdasyna 3:1 hasap bilen tamamlandy. Gollaryň ählisi oýnuň birinji ýarymynda geçirildi. «Barselonanyň» düzüminde Langle (10), Messi (23) we Suares (penalt. 45) tapawutlandy. Birinji ýaryma goşulan goşmaça wagtyň 4-nji minutynda «Napoliniň» oýunçysy Insinýe penaltiden gol geçirdi.
Bu klublaryň birinji duşuşygy 1:1 hasabynda tamamlanypdy. Indi, katalon kluby 14-nji awgustda Lissabonda 1/4 final tapgyrynda «Bawariýa» bilen duşuşar. Täze düzgünlere laýyklykda, bu tapgyrda ýeňiji diňe bir duşuşygyň netijesi boýunça kesgitleniler.
Lissabona «sekizleriň finalyna» Hansi Flik bilen Kike Setýeniň toparlaryndan başga-da, Madridiň «Atletikosy», «Leýpsig», «PSŽ», «Lion», «Mançester Siti» we «Atalanta» gider.
Şeýle hem okap bilersiňiz:
“Real” we "Ýuwentus" ÇL-niň 1/4 finalynda oýnamaz
