Asus kompaniýasy ROG Phone 3 geýmer smartfonuny hödürledi. Dewaýs Qualcomm-dan önümçilik prosesine we oýun aksessuarlaryny göterijilige eýe boldy diýip, GSMArena neşiri habar berýär. Muny lenta.ru ýetirýär.
Enjam 2340 x 1080 piksel ygtyýarly 6,59 dýuým AMOLED-ekrany hem-de 144 gers iň ýokary täzeleme ýygylygy bilen çykdy. Smartfon Snapdragon 865+ çibine we 16 gigabaýta çenli operatiw ýada eýe boldy, şol sebäpli ol dünýäde iň kuwwatly smartfon diýlip hasaplanylýar. Dewaýs UFS 3.1 standartynda 512 gigabaýta çenli içki ýat bilen jemlenýär.
Gurluşyň yzky panelinde 8K-wideony düşürme mümkinçilikli 64, 13 we 5 megapiksel ygtyýarly obýektiw bilen üç bölekli kamera ýerleşen. ROG Phone 3 30 watt çalt zarýadlanma bilen 600 milliamper/sag sygymly akkumulýatora eýe. Öndüriji smartfony özüňe görä sazlap boljakdygyny belleýär, ulanyjy ekranyň täzeleme ýygylygyny, çibiň iş ýygylygyny, zarýad almanyň tizligini, fiziki oýun düwmeleri sazlap bilýär.
ROG Phone 3 ýörite oýun aksessuarlaryny göterýär. Esasanam, gurluşa enjamyň korpusyny, takmynan, 4 gradus sowadýan AeroActive Cooler 3 ykjam sowadyjy gurluşyny birikdirmek bolýar. Smartfon gözegçilik ediji gurluşy hem göterýär.
