Dünýäniň iň baý adamsynyň baýlygy rekord derejeli $172 milliarda ýetdi

Dünýäniň iň baý adamsynyň baýlygy rekord derejeli $172 milliarda ýetdi

Jeff Bezosyň baýlygy $172 milliarda ýetdi. Muny Bloomberg Billionaries Index reýtinginiň maglumatlary delillendirýär, bu reýtingde ol birinji orny eýeleýär. Bu barada kommersant.ru habar berýär.
Bu görkeziji Amazon kompaniýasynyň ýolbaşçysy üçin täze rekorddyr. Ozalky $167,7 mlrd möçberde maksimum, reýtinge laýyklykda, 2018-nji ýylyň 4-nji sentýabrynda goýuldy. Bezosyň baýlygy kompaniýanyň paýnamalarynyň ýokarlanmagynyň hasabyna ösdi: 1-nji iýulda söwdada ol 4,4%, ýagny bir sanyna rekord derejeli $2878,7-ä çenli ýokarlandy. Bezosa ownuk söwda paýnamasynyň 11%-i degişlidir, diňe ýylyň başyndan bäri ol $56,7 milliard baýady.
Bezosyň öňki aýaly, aýrylyşmadan soň kompaniýanyň paýnamasynyň 4%-iniň eýesi bolan Makkenziniň baýlygyny Bloomberg $56,9 mlrd diýip bahalandyrdy. Koronawirus pandemiýasy döwründe, ýagny onlaýn söwdanyň sanynyň birbada ösen wagtynda jenap Bezosyň baýlygy ýokarlanyp başlady. Onuň aýalynyň baýlygy hem bir ýerde durmady. Ol şu wagtyň içinde 54% ýokarlandy we häzir Makkenzi Bezos özüniň $57 milliardy bilen Bloomberg reýtinginde 12-nji orny eýeleýär.
Maý aýynyň ortalarynda Comparisun kompaniýasynyň hünärmenleri Bezos 2026-njy ýylda $1 trilliondan ýokary baýlygy bolan birinji adam bolup biler diýip çakladylar. Analitikler soňky bäş ýylyň içinde kompaniýanyň ýolbaşçysynyň emläginiň bahasynyň ýylda 34% ortaça depgin bilen ösendigini bellediler. Şu ýylda öz baýlygyny artdyranlaryň köpüsi tehnologik pudagynyň wekilleri bolup durýar diýip, Bloomberg ýazýar. Olaryň arasynda 1-nji ýanwardan bäri $25,8 mlrd baýan Tesla kompaniýasynyň baş müdiri Ilon Mask we baýlygy tas dört esse, ýagny $13,1 milliarda çenli ýokarlanan Zoom kompaniýasynyň ýolbaşçysy Erik Ýuan hem bar.