Geçen hepde “Citroen” fransuz awtoöndürijisiniň twitter-akkauntynda elektromobiller muşdaklarynyň gözden sypdyrmajak habary peýda boldy. Bu habar özünde elýeterli elektromobiliň çykaryljakdygy baradaky wadany, onuň ilkinji wideo-tizerini hem-de anonsynyň senesini öz içine alýan peýdaly informasiýany saklaýar. Bu barada Citroen-a salgylanmak bilen itc.ua habar berdi.
Bu habar twitter-akkauntda şeýle bellenilen:
“In 2020, Citroen makes electric mobility accessible to all! SAVE THE DATE: February 27 th. Stay Tuned! #ËlectricForAll #InspirëdByYouAll pic.twitter.com/Ur6XOVivNq
- Citroen (@Citroen) February 6, 2020
Täze elektromobil barada köpräk maglumatlary Citroen şu aýyň ahyrynda, ýagny 2020-nji ýylyň 27-nji fewralynda aýdar. Model barada anyk maglumatlar heniz ýok, ýöne görkezilen surat boýunça, bu üýtgeşik dizaýnly ykjam siti-kar bolar.
Ýatladyp geçsek, şular ýaly modeli brend soňky gezek bir ýyl mundan öň görkezipdi – bu dolandyrylmasy üçin sürüjilik şahadatnamasy gerek bolmadyk, 45 km/sag maksimal tizlikli we 100 km ätiýaç ýolly iki orunly Citroen Ami One Concept elektromobilidi.
Şeýlelik bilen, häzirlikçe geçen ýylky konseptiň seriýaly wersiýasynyň görkeziljekdigi hem-de onuň çykyş senesini we bölek satuw nyrhyny belli etjekdikleri barada pikir bar.
Citroen обещает представить «доступный для всех электромобиль»
- 12.02.2020 21:51
- 2.2k+
