Madridiň «Real» futbol klubunyň prezidentiniň saýlawlary 7-nji iýunda geçiriler. Bu barada klubuň resmi saýtynda habar berilýär.
Klubuň häzirki prezidenti Florentino Peres oza topar yzygider iki möwsümi titulsyz geçirenden soň, möhletinden öň saýlawlaryň geçiriljekdigini mälim etdi. Ol 2025-nji ýylyň ýanwar aýynda täze dört ýyllyk möhlete gaýtadan saýlanypdy.
Bu gezekki saýlawlarda Peresiň bäsdeşi peýda boldy — ol işewür Enrike Rikelmedir. Belläp geçsek, 2009-njy ýyldan bäri «Real Madrid» klubunyň prezident saýlawlary diňe ýekeje dalaşgär bilen geçirilip gelinýärdi.
Florentino Peres häzir 79 ýaşynda. Ol patyşalyk klubuna ilki 2000-nji ýyldan 2006-njy ýyla çenli ýolbaşçylyk etdi, soňra 2009-njy ýylda gaýtadan prezidentlige saýlandy. Onuň ýolbaşçylyk eden ýyllarynda «Real Madrid» topary 7 gezek Ispaniýanyň çempiony boldy, 3 gezek ýurduň Kubogyny we 7 gezek Ispaniýanyň Superkubogyny gazandy. Şeýle hem, Madridiň kluby 7 gezek UEFA-nyň Çempionlar ligasynyň ýeňijisi boldy, 6 gezek UEFA-nyň Superkubogyny, 5 gezek Klublaýyn dünýä çempionatyny we 2 gezek Yklymara kubogyny eýelemegi başardy.
