Electronic Arts kompaniýasy garyşyk söweş sungaty boýunça täze EA Sports UFC 6 simulýatoryny resmi taýdan yglan etdi. Oýun 2026-njy ýylyň 19-njy iýunynda PlayStation 5 we Xbox Series pristawkalarynda çykar, eýýäm öňünden sargytlar kabul edilip başlandy.
Habar berlişi ýaly, oýnuň adaty wersiýasynyň bahasy 70 dollara, Ultimate Edition görnüşiniň bahasy bolsa 100 dollara deň. Giňeldilen wersiýany satyn alanlar oýna 12-nji iýundan başlap elýeterli bolar.
Oýnuň adaty wersiýasynyň ýüzi hökmünde braziliýaly söweşiji Aleks Pereýra çykyş etdi, Ultimate Edition wersiýasynyň ýüzüni bolsa Maks Holloueý bezedi.
Giňeldilen wersiýa UFC-niň sekiz söweşijisini öz içine alýan Fighter Pass, 2027-nji ýylyň tomsuna çenli çykjak iki sany iri goşundyly Expansion Pass, şeýle-de VIP Pass we iki skin hem 500 teňňe bilen Rivalry Bundle toplumlary girýär.
Oýny işläp düzüjiler kämilleşdirilen urgy ulgamyny, täzeden işlenen animasiýalary we täze «täsirli sýužetli» režimleri wada berýär. Häzirlikçe giňişleýin maglumatlar ýok we oýnuň treýleri görkezilmedi.
Şeýle hem, oýnuň PK üçin niýetlenen görnüşiniň hem taýýarlanýandygy barada tassyklanmadyk resmi däl maglumatlar bar.
