Meksikanyň Mehiko şäherindäki «Anauakalli» muzeýi, suratkeş Diýego Riweranyň agtygy Huan Rafael Koronel Riweradan 157,3 müň sany predmetden ybarat kolleksiýany kabul etdi. Bu ýygyndy 40 ýyldan gowrak wagtyň dowamynda emele gelipdir.
Kolleksiýanyň içine Diýego Riwera bilen Frida Kalonyň şahsy kitaphanalaryndan alnan suratlar, oýma eserler, keramika, dokma önümleri, arhiw resminamalary we hatlar girdi. Sowgat berlen zatlaryň arasynda suratkeşleriň öz çeken suratlary ýok.
Kolleksiýany gowşurmak işi tapgyrlaýyn geçirilip, ýylyň ahyryna çenli tamamlanar. Muzeýiň direktory Teresa Moýýa bu sowgadyň muzeýe Riwera tarapyndan goýlan ilkinji pikiri yzyna gaýtaryp berýändigini belläp geçdi we: «Ol bu ýeri diňe bir sergi zaly däl, eýsem kolleksiýa ýygnamagyň bilime öwrülýän giňişligi hökmünde görüpdi» diýip, aýratyn belledi.
1955-nji ýylda Diýego Riwera «Anauakalli» we Frida Kalo muzeýlerini köpçülige açyk saklamak üçin Meksika Bankynyň ýanynda üýtgewsiz trasty (ynamdar dolandyryş guramasyny) döretdi.
Toplumyň gelip gowuşmagy muzeýiň çägini giňeltmek meýilnamalary bilen gabat geldi. Täze binalaryň gurluşygyna 2026-njy ýylyň ahyrynda ýa-da 2027-nji ýylda başlanyp bilner.
