Günorta Koreýanyň HD Hyundai Heavy Industries kompaniýasy doly ammiak ýangyjy bilen işleýän dünýädäki ilkinji gämini hödürledi. Bu taslama deňiz arkaly ýük daşamalarynda ekologiýa zyýan bermeýän täze döwrüň başlangyjy hasaplanýar.
Ammiagyň düzüminde uglerod ýokdur, şonuň üçin hem ol ýananda atmosfera kömürturşy gazyny bölüp çykarmaýar. Bu bolsa dünýädäki dekabronizasiýa (howany arassalamak) maksatnamalaryna doly laýyk gelýär. Ammiak eýýäm oba hojalygynda giňden ulanylýar, diýmek, ony daşamak we saklamak üçin zerur bolan düzüm wodoroda garanyňda has ýönekeý we elýeterlidir.
Gämi «iki ýangyçly» ulgam bilen enjamlaşdyrylan. Zerur bolan ýagdaýynda ammiakdan adaty ýangyja geçip bilýär, bu bolsa häzirki wagtda portlarda ammiak ýangyjynyň entek hemme ýerde ýokdugy sebäpli örän amatlydyr.
Ammiak zäherli we kyn ýanýan madda bolandygy üçin, inženerler ýöriteleşdirilen hereketlendirijileri we ýokary derejeli howpsuzlyk ulgamlaryny işläp düzdüler.
HD Hyundai-yň wekilleriniň belleýşi ýaly, bu diňe bir taslama däl, eýsem ammiagyň ekologiýa taýdan arassa we ulanmaga ýaramly ýangyçdygynyň subutnamasydyr. Bu ädim gelejekde halkara ekologiýa standartlarynyň has-da berkejek döwründe gämi gurluşygynda esasy ugur bolar.
