Hytaýda öý haýwanlarynyň görüş we eşidiş ukybyna görä ýörite taýýarlanan tölegli teleýaýlym işe başlady. Bu kanal «VIP-ýazylyşygy» bolan müşderiler üçin elýeterli bolup, ol it-pişikleriň nerw ulgamyna oňat täsir edýär diýip, AFP agentliginiň habar berýär. Hytaýyň meşhur WeChat ulgamynda bolsa bu hyzmat barada: «Siziň tüýlek dostlaryňyz üçin ýörite döredilen 24 sagatlaýyn bagt merkezi» diýlip bellenilýär.
Teleýaýlymyň gepleşikleri dürli it tohumlarynyň (mysal üçin, labradorlaryň we mopslaryň) görüş aýratynlyklaryna görä taýýarlanyp, reňkleri we kadrlaryň çalşygy adaty ýaýlymlardan tapawutlanýar.
Onda haýwanlar üçin iki sany rejim bar. Olaryň birinjisi – gorkak haýwanlary köşeşdirýän owadan tebigat we sazlardan ybarat bolan, ikinjisi bolsa, haýwanlaryň akyl ukybyny ösdürmäge kömek edýän gyzykly gepleşikler.
Hytaýda öý haýwanlaryna degişli bazar örän çalt ösýär. Aýda 25 ýuan (takmynan 3,5 dollar) bolan bu hyzmat hem şonuň üçin bir mysalydyr. Maglumatlardan çen tutsaň, 2028-nji ýyla çenli Hytaýyň şäherlerinde öý haýwanlary üçin edilýän çykdajylar 59 milliard dollara ýeter.
Häzirki wagtda Hytaýda bir ite ýylda ortaça 435 dollardan, bir pişige bolsa 290 dollardan gowrak pul sarp edilýär.
