Hemra operatorlary Ýeriň şekillerini surata alanlaryndan soň birnäçe minutyň içinde ibermäge başladylar. Vantor kompaniýasynyň WorldView Legion hemrasy tarapyndan geçirilen tehnologiýa görkezilişi, iki ýyl mundan ozal adatça 60-90 minut garaşylýan wagt bilen deňeşdirilende, suratlary ulanyjylara bary-ýogy 13 minutda ibermegiň mümkindigini tassyklady.
Şeýlelik bilen, kompaniýalar hökümet we täjirçilik edaralarynyň maglumatlary hakyky wagtda almaga bolan artýan islegine jogap bermäge synanyşýarlar.
Bu tizlige ýetmek üçin BlackSky we Satellogic ýaly kompaniýalar öz infrastrukturasyny: dürli ýerlerdäki ýerüsti stansiýalaryny ulanmakdan başlap, emeli aň ulgamlaryny gönüden-göni hemralaryň bortuna ornaşdyrmaga çenli düýpli täzeden gözden geçirýärler. Mysal üçin, täze NextGen seriýaly hemralar maglumatlary gönüden-göni orbitada işläp, ýerüsti serwerlere mätäçlik bolmazdan, obýektleri we anomaliýalary anyklap bilerler.
Hermralaryň arasyndaky aragatnaşygyň ulanylmagy buýruklary we şekillerden bölekleri derrew diýen ýaly ibermäge mümkinçilik berer, bu bolsa çalt üýtgeýän wakalara gözegçilik edilýärkä tizden-tiz karar kabul etmek üçin örän möhümdir.
