Häzirki wagtda jinsi matadan tikilen eşikler dünýäniň iň ýörgünli lybasy bolsa-da, ony döreden Lewi Strauss öz ömründe hiç wagt jinsi eşik geýmändir.
Munuň sebäbi XIX asyrda jemgyýet gatlaklara berk bölünipdir. Jinsi eşikler şol döwürlerde magdançylar we gurluşykçylar ýaly agyr şertlerde işleýän adamlara niýetlenip tikilipdir. Strauss bolsa köpçülikde abraýly işewür kişi hökmünde tanalypdyr.
Işewür we mülkdar hökmünde jemgyýetdäki ornuňa laýyk geýinmeli diýlen düşünjä eýeren Strauss egin-eşik hökmünde klassyk biçüwli kostýumlary, ak köýnekleri we galstuklary saýlapdyr. Munuň üstesine ol örän konserwatiw adam bolupdyr we kabul edilen kadalara gyşarnyksyz eýeripdir. Hatda wagt geçip, jinsi satuwyndan uly girdeji gazansa-da, ol özüniň şahsy stilini hiç wagt üýtgetmändir.
1847-nji ýylda Straussyň maşgalasy ABŞ-a göçüp gelýär we mata söwdasyna başlaýar. 1873-nji ýylda bolsa tikinçi Jeýkob Dewis bilen bilelikde jinsi eşikleriň jübi ýerlerini demir berkitmeler bilen berkitmek üçin patent alýarlar. 1902-nji ýylda Lewi Strauss aradan çykýar. Gynansak-da ol jinsiniň moda öwrülen wagtyny görüp ýetişmeýär.
1950-nji ýyllarda jinsi eşikleri eýýäm işçi geýimi bolmakdan çykyp, azatlygyň we deňligiň simwolyna öwrülýär hem-de ählumumy meşhurlyk gazanýar.
