2026-njy ýylyň 10-17-nji marty aralygynda Polşanyň Krakow şäherinde adaty karate boýunça halkara ýaryş — Krakow kubogy geçirildi. Ýaryşa 14 ýurtdan 870-den gowrak türgen gatnaşdy diýip, THP habar berýär.
Türkmenistanyň ýygyndy topary bu ýaryşda iki sany bürünç medal gazanmagy başardy.
21 ýaşdan uly türgenleriň arasyndaky şahsy birinjilikde Selim Myratdurdyýew üçünji orny eýeledi.
Ýene bir bürünç medala 12-13 ýaşly gyzlaryň arasyndaky tapgyrda Medine Gaýlyýewa mynasyp boldy. Ol Aşgabat şäheriniň bedenterbiýe we sport baradaky Baş müdirliginiň 1-nji sport mekdebine wekilçilik edýär hem-de Balkanabat şäherindäki 20-nji orta mekdebiň 8-nji synpynda okaýar.
Halkara Krakow kubogy her ýyl köp sanly türgenleri jemleýär we adaty karate boýunça abraýly ýaryşlaryň biri hasaplanýar.
