Ultimate Fighting Championship (UFC) promouşeniniň prezidenti Dana Waýt 14-nji iýundan 15-nji iýuna geçilýän gije ABŞ-nyň Prezidentiniň resmi rezidensiýasynyň çäginde geçiriljek UFC ýaryşynyň bilet syýasaty barada maglumat berdi.
«Biz 85 müň adam üçin bilet taýýarlamakçy we biletler mugt bolar. Olaryň nähili tertipde paýlanjakdygyny ýakynda mälim ederis» – diýip, Waýt UFC-niň sosial ulgamdaky resmi akkauntynda ýerleşdirilen wideoda aýtdy.
Mundan ozal, Ak tamda geçiriljek ýaryşyň esasy wakasynyň ýeňil agramda çempionlyk guşagy ugrundaky söweş boljakdygy mälim boldy. Onda amerikaly Jastin Getji bilen ispan-gruziýaly söweşiji Iliýa Topuriýa duşuşar.
