FIFA-nyň Dünýä çempionatynyň kubogy Meksika gelip ýetdi we indi ýurda syýahat etmäge başlaýar diýip, Meksikanyň Daşary işler ministrligi X sosial ulgamynda habar berdi. Ministr Huan Ramon de la Fuente ýurduň öňde duran sport baýramçylygynda janköýerleriň we gatnaşyjylaryň howpsuzlygyny üpjün etmäge doly taýýardygyna ynandyrdy.
Bu gezelenç ýanwar aýynda başlanan FIFA World Cup Trophy Tour turunyň çäklerinde geçýär. Kubok 11 şähere aýlanar: Mehiko şäherinden soň, ol Gwadalahara, Leona, Werakrusa, Çihuahua, Keretara, Monterreýe, Puebla, Çiçen-Isa we Merida eltiler. Syýahat ýene paýtagtda tamamlanar we kubok açylyş oýnundan öň 5-8-nji iýun aralygynda şol ýerde galar.
Dünýä çempionaty 11-nji iýundan 19-njy iýul aralygynda ABŞ-da, Kanadada we Meksikada geçiriler. Ilkinji gezek oňa 48 topar gatnaşar — bu öňki geçen ýedi ýaryşdakydan 16 topar köp.
Açylyş oýny 11-nji iýunda Mehiko şäherindäki "Asteka" stadionynda geçiriler. Final oýny bolsa 19-njy iýulda ABŞ-nyň Nýu-Jersi ştatynyň Ist-Raterford şäherinde geçiriler.
