Ispaniýanyň çempionatynyň 26-njy tapgyrynda «Barselonanyň» oýunçylary öz meýdançasynda geçirilen oýunda «Wilýarrealy» 4:1 hasaby bilen ýeňdi.
Bu duşuşykda 18 ýaşly Lamin Ýamal karýerasynda ilkinji gezek het-trik etmegi başardy. Ispaniýaly oýunçy 28-nji, 37-nji we 69-njy minutlarda üç gol geçirdi. Ýeňijileriň ýene bir goluny Robert Lewandowski 90+1-nji minutda geçirdi.
«Wilýarreal» toparynyň oýunçylaryndan Pap Geýe 49-njy minutda gol geçirip tapawutlandy.
Opta-nyň maglumatlaryna görä, Ýamal XXI asyrda Ýewropanyň iň gowy bäş ligasynda 19 ýaşa ýetmänkä 25 gol geçiren ilkinji oýunçy boldy. Häzirki wagtda onuň La Ligada 95 oýunda 27 goly bar.
Bu ýeňişden soň, «Barselona» 64 utuk bilen birinji orunda barýar, «Wilýarreal» bolsa 51 utuk bilen üçünji orunda galýar.
Indiki tapgyrda «Barselona» 7-nji martda «Atletik» (Bilbao) bilen myhmançylykda oýnar.
