2020-nji ýyldan bäri altynyň bahasy 230%-den gowrak ýokarlandy. Bu ýagdaý dünýäniň merkezi banklaryny öz gorlaryny işjeň doldurmaga mejbur etdi. Häzirki wagtda altyn diňe bir "howpsuz ätiýaçlyk" däl, eýsem dollara garaşlylygy azaltmak we geosyýasy töwekgelçiliklerden goranmak üçin strategik aktiw hökmünde kabul edilýär.
Soňky bäş ýylyň içinde iň iri 15 satyn alyjy öz altyn gorlaryny jemi 2000 tonna golaý artdyrdy.
- Hytaý: 350 tonnadan gowrak altyn satyn alyp, sanawda birinji orny eýeledi. Bu ädim Pekiniň ätiýaçlyklary diwersifikasiýalaşdyrmak we Günbatar maliýe ulgamyna bolan garaşlylygy azaltmak strategiýasynyň bir bölegidir.
- Polşa: Öz gorlaryny 300 tonnadan gowrak artdyryp, Ýewropada iň işjeň alyjy boldy.
- Türkiýe we Hindistan: Hümmetsizlenmä we walýuta bökdençliklerine garşy gorag hökmünde altyn satyn almagy dowam etdirýärler.
- Beýleki ýurtlar: Azerbaýjan, Braziliýa, Ýaponiýa, Tailand, Wengriýa, Singapur we Russiýa hem öz ätiýaçlyklaryny ep-esli mukdarda artdyran döwletleriň hataryna girdi.
Käbir ýurtlar ykdysady zerurlyklar sebäpli altyn gorlaryny satmagy makul bildiler:
- Filippinler: Gorlaryny 65 tonnadan gowrak azaltdy.
- Gazagystan we Şri-Lanka: Döwlet maliýe durnuklylygyny (likwidligi) saklamak üçin altyn ätiýaçlyklarynyň bir bölegini satdylar.
- Germaniýa we Şweýsariýa: Bu ýurtlar öz gorlarynda ujypsyz üýtgeşmeler etdiler, bu bolsa olaryň altyn dolandyryşynda örän ätiýaçly we konserwatiw strategiýany ulanýandyklaryny görkezýär.
