17-nji fewralda Magtymguly adyndaky Milli sazly drama teatrynda «Simfoniki kartinalar» ady bilen konsert geçiriler. Programma Resul Gylyjowyň ýolbaşçylygyndaky Türkmenistanyň Döwlet simfoniki orkestri tarapyndan taýýarlandy.
Döredijilik topary rus kompozitorlarynyň nusgawy eserlerini ýerine ýetirer. Diňleýjilere Modest Musorgskiniň «Sergiden suratlar» atly eseri, Anatoliý Lýadowyň «Baba-Ýaga» simfoniki kartinasy, şeýle hem Nikolaý Rimskiý-Korsakowyň «Üç gudrat» we «Şeherezada» sýuitasynyň üçünji bölümi bolan «Şazada we Şa gyzy» atly eserleri hödürlener.
Konsert sagat 19:00-da başlanýar.
Bilet satyn almak boýunça şu telefon belgilerine ýüz tutup bilersiňiz: (+993 12) 22-38-98, 51-41-57; (+993 63) 46-71-77, (+993 64) 03-74-56.
Aşgabatda Musorgskiniň we Rimskiý-Korsakowyň eserleriniň konserti bolar
- 02.02.2026 16:15
- 1.1k+
