Çarşenbe gününe geçilen gije UEFA-nyň Çempionlar ligasynyň umumy tapgyrynyň bäşinji oýunlary geçirildi. Olardan ikisi garaşylmadyk netije bilen tamamlandy: “Çelsi” “Barselonanyň” derwezesine jogapsyz üç gol geçirdi, “Mançester Siti” bolsa öýünde Lewerkuzeniň “Baýerinden” utuldy.
“Çelsi” – “Barselona” 3:0
“Barselona” oýna dogumly başlady: Ferran Torres hasaby açyp bilerdi, ýöne top ştanganyň deňinden geçdi. Birnäçe garşylyklaýyn hüjümlerden soň birinji ýarymyň ortasyna çenli “Çelsi” oýnuň gidişini öz eline alyp, duşuşygyň 27-nji minutynda birinji goluny belledi – top Žýul Kundeniň tötänleýin degmeginden soň çyzygy kesip geçdi.
Arakesmeden öň Ronald Arauho ikinji sary duýduryşyny aldy, şondan soň “Çelsi” işjeňligini gowşatman, hasaby uly ýeňşe ýetirdi. Ikinji goly 55-nji minutda braziliýaly Estewao girizdi. Gutarnykly hasaby 73-nji minutda Liam Delap kesgitledi.
“Mançester Siti” – Lewerkuzeniň “Baýeri” 0:2
“Baýer” häzirki Çempionlar ligasynda “ManSitini” ilkinji ýeňlişe sezewar etdi. Ýer eýeleri hasaby ilkinji bolup açyp bilerdi, ýöne “Baýeriň” derwezebany Mark Flekken Natan Akeniň howply urgusyndan halas etdi.
Myhmanlar ilkibaşda basyşa çydady, soňra birinji ýarymyň ortalarynda Alehandro Grimaldo jerime meýdançasyndan gol geçirdi. Ikinji ýarymda “Baýer” ýene-de hüjümden peýdalandy we Patrik Şik kelle bilen gol girizdi.
Galan oýunlaryň netijeleri:
- ·Dortmundyň “Borussiýasy” – “Wilýarreal” 4:0
- ·“Aýaks” – “Benfika” 0:2
- ·“Galatasaraý” – “Ýunion” 0:1
- ·“Budýo-Glimt” – “Ýuwentus” 2:3
- ·“Olimpik” Marsel – “Nýukasl Ýunaýted” 2:1
- ·“Slawiýa” – “Atletik” 0:0
- ·“Napoli” – “Karabah” 2:0
Tapgyryň galan oýunlary çarşenbeden penşenbä geçilýän gije bolar (eger başga wagt görkezilmedik bolsa, başlaýan wagty Aşgabat boýunça gije 1:00)
- ·“Kopengagen” – “Kaýrat” (22:45)
- ·“Pafos” – “Monako” 22:45
- ·“Arsenal” – “Bawariýa”
- ·“Atletiko” – “Inter”
- ·“Aýntraht” – “Atalanta”
- ·“Liwerpul” – “PSW” Eýndhowen
- ·“Olimpiakos” – “Real”
- ·“Pari Sen-Žermen” – “Tottenhem”
- ·“Sporting” – “Brýugge”
