Hytaýdaky fitnes merkezleriniň biri adaty bolmadyk bäsleşik yglan etdi: kim üç aýyň dowamynda 50 kilogram agram ýitirse, oňa baýrak hökmünde Porsche Panamera berler diýip, The Telegraph habar berýär.
Bäsleşigiň gurnaýjysy, tälimçi bolup, ol 2020-nji ýylda öndürilen ulagyny baýrak hökmünde goýdy. Bu ulag arzanlardan däl.
Bäsleşige 30 adama çenli gatnaşyp biler, olaryň 10-sy eýýäm hasaba alyndy. Gatnaşmak üçin her adam 10 müň ýuandan (takmynan 1410 dollar) tölemeli. Bu bahanyň içine üç aý üçin ýaşaýyş we iýmitlenme çykdajylary girýär. Maksada ýetmek üçin gatnaşyjylar her gün, takmynan, 500 gram agram ýitirmeli bolarlar.
Lukmanlar we saglyk hünärmenleri bu bäsleşigiň şertleri barada alada bildirdiler. Olar şeýle çalt agram ýitirmegiň saglyga howp döredip biljekdigini we dürli meselelere getirip biljegini aýdýarlar. Mundan başga-da, beden ölçegi kadaly bolan adamlarda ýag däl-de, has köp myşsa massasy ýitmegi ähtimal.
Bäsleşigi gurnan tälimçi bolsa, “biz professional okuw we dogry iýmitlenme boýunça maslahat berýäris, şeýlelikde gatnaşyjylara howpsuz ýagdaýda agram ýitirmäge kömek edýäris” diýip, nygtady.
