“Inter Maýaminiň” hüjümçisi Lionel Messi MLS-iň yzygiderli möwsüminiň iň gowy bombardiri hökmünde “Altyn butsy” aldy. 38 ýaşly argentinaly oýunça baýrak pleý-offuň 1/8 finalynyň “Neşwill” bilen oýnundan öň gowşuryldy.
Yzygiderli çempionatyň 28 oýnunda Messi 29 gol geçirdi we ýakyn garşydaşlaryndan bäş gol öňe geçdi. Ikinji orny “Los-Anjelesden” Deni Buanga bilen “Neşwillden” Sem Sarrij paýlaşýar – ikisinde-de 24 gol.
Messi baýragy alandan soň hem gol salmagyny dowam etdirdi. Pleý-offuň birinji oýnunda “Inter Maýami” “Neşwilli” 3:1 hasabynda utdy, argentinaly futbolçy bolsa iki gol geçirdi.
Şeýlelikde, Messi 2025-nji ýylda “Inter Maýami” üçin gollarynyň sanyny ähli ýaryşlary hasaba alanyňda 39-a ýetirdi – bu bir senenama ýylynda gol sany boýunça MLS-iň täze rekordydyr. Öňki üstünlik – 38 gol Deni Buanga (2023-nji ýyl) bilen Karlos Wela (2019) degişlidi.
“Inter Maýami” bilen “Neşwilliň” arasyndaky indiki duşuşyk 2-nji noýabrda bolar.
Mundan öň, “Inter Maýami” Messi bilen şertnamanyň uzaldylandygyny habar berdi, täze ylalaşyk 2028-nji ýylyň dekabryna çenli hereket eder.
