Ford kompaniýasy ýelini goýberen tekerleri anyklap, olary çalyşmaga kömek etjek ulgam üçin patent almaga arza berdi. 0319733 belgili arza 2024-nji ýylyň ýazynda tabşyryldy, ýöne diňe häzir çap edildi.
Ulgam tekerde basyşyň pese gaçandygyny hasaba alýan sensorlary ulanýar. Mesele ýüze çykarylan ýagdaýynda awtomobil sürüjä duýdurýar we birnäçe iş režimini teklip edýär: asgyjy (podweska) awtomatik galdyrmak bilen “tigiri çalyşmak”, “ýolsuz ýerden ýöremek” – pes basyş bilen sürmek üçin we “hyzmat” – teker hyzmaty üçin.
Ford şeýle çemeleşmäniň howpsuzlygy ýokarlandyryp, pnewmatik asgyjyň elementlerini zeper ýetmekden goramaga kömek edýändigini belleýär. Patent üçin arzanyň berilmegi innowasiýalary goramak we geljekki modeller üçin intellektual ulgamlary ösdürmek strategiýasynyň bir bölegidir.
Tehnologiýanyň 2026-njy ýylyň täze awtomobillerinde peýda bolmagyna garaşylýar. Bu ulaglarda esasy üns hyzmat etmegiň awtomatizirlenmegine we bolup biljek näsazlyklaryň öňüni almaga gönükdiriler.
