Lamborghini kompaniýasy Centro Stile dizaýn merkeziniň 20 ýyllyk ýubileýi mynasybetli döredilen nusga-awtoulagy bolan Manifesto-ny hödürledi. Bu ulag önümçilik modeli bolman, eýsem, markanyň geljege bolan garaýşyny görkezýän "dizaýn manifesti" diýlip bellenilýär.
Baş dizaýner Mitýa Borkert Manifesto-ny "arassa heýkeltaraşlyk we stiliň beýany" diýip häsiýetlendirdi. Revuelto ýa-da Fenomeno modelleriniň ýiti çyzyklaryndan tapawutlylykda, täze düşünje ýumşakdan akgynly, okgunly şekilleri bilen tapawutlanýar. Onda hatda duran ýerinde-de hereket duýgusyny döredýän dinamiki sudurlar bar.
Kuzowy açyk sary reňk bilen boýaldy. Öňünde adaty gözenegi we ýaýbaň spoýleri ýok: howa gapdal kanallardan we merkezi aerodinamiki açyklykdan geçýär. Yzky bölegi poluň aşagyndaky uly Wenturi kanaly bilen inçelip gidýär we geljekki superkarlaryň aerodinamikasyna yşarat edip, basyş güýjüni döredýär.
Salony dolulygyna eksperimental, önümçilik awtoulaglarynda bar bolan tanyş elementler ýok we iş ýüzünde durmuşa geçirilmezligi gaty ähtimal. Manifesto önümçilik üçin niýetlenmedi, ýöne onuň görnüşi we proporsiýasy Lamborghini-niň indiki nesli üçin başlangyç nokat bolar.
