“Inter Maýaminiň” argentinaly hüjümçisi Lionel Messi soňky dört ýylda ilkinji gezek final oýnunda utuldy. Onuň kluby 1-nji sentýabrda Sietlde geçen Ligalaryň kubogynyň aýgytly oýnunda “Sietl Saundersden” 0:3 hasabynda utuldy.
“Inter Maýami” ozal ýaryşyň ýeňijisi bolupdy. Ligalaryň kubogy toparyň 2023-nji ýylda Messi geçeninden birnäçe aýdan soň gazanan ýeke-täk kubogy bolup galýar.
Mundan öň 38 ýaşly hüjümçi yzygider ýedi finalda ýeňiş gazandy. Soňky gezek ol aýgytly oýunda 2021-nji ýylda “Barselonanyň” düzüminde utulypdy. Şonda kataloniýalylar Ispaniýanyň Superkubogynyň finalynda Bilbaonyň “Atletiginden” 2:3 hasabynda utuldy.
Messi taryhda iň köp titula eýe bolan futbolçydyr. Onuň hasabynda 48 kubok bolup, olaryň arasynda 2022-nji ýylyň dünýä çempionatynda Argentinanyň milli ýygyndysy bilen gazanylan ýeňiş we Çempionlar ligasynda dört ýeňiş bar. Şeýle-de, Messi sekiz gezek “Altyn topuň” eýesi boldy, bu bolsa absolýut rekorddyr.
