“Fenerbahçe” Mourinýuny baş tälimçi wezipesinden aýyrdy, “Beşiktaş” Sulşer bilen hoşlaşdy

  • düýn 19:36
  • 3.4k+

Stambulyň “Fenerbahçe” futbol kluby portugaliýaly Žoze Mourinýuny toparyň baş tälimçisi wezipesinden aýyrdy. Bu barada klub X sosial ulgamynda habar berdi.

Çözgüt klubuň pleý-off tapgyrynda Portugaliýanyň “Benfikasyndan” utulyp, Çempionlar ligasynyň esasy tapgyryna çykyp bilmezligi bilen baglanyşykly boldy.
62 ýaşly Mourinýu “Fenerbahçe” toparyna 2024-nji ýylyň iýunyndan bäri ýolbaşçylyk etdi. Ol karýerasynyň dowamynda “Portu”, “Inter”, “Çelsi”, “Real”, “Mançester Ýunaýted”, “Tottenhem” we “Roma” bilen işleşdi. Onuň gazanan üstünlikleriniň arasynda Çempionlar ligasynda iki ýeňiş (“Portu” we “Inter” bilen), UEFA-nyň Kubogynda (“Portu” bilen) we Konferensiýalar ligasynda ýeňiş (“Roma” bilen), Portugaliýada, Italiýada, Ispaniýada we Angliýada birnäçe milli titullar, şeýle-de Angliýanyň Kubogynda we Superkubogynda ýeňişler bar.
“Fenerbahçe” bilen bir wagtda diýen ýaly Stambulyň “Beşiktaş” topary-da baş tälimçisini ýitirdi. Klub Konferensiýalar ligasynyň saýlama tapgyryndan çykandan soň norwegiýaly Ole Gunnar Sulşeri işden aýyrdy.
Pleý-off oýnunda klub Şweýsariýanyň “Lozanna” toparyndan utuldy. “Beşiktaş” 2022/23 möwsüminden bäri ilkinji gezek ýewrokubogyň esasy tapgyryna gatnaşmaz.
52 ýaşly Sulşer “Beşiktaşa” 2025-nji ýylyň ýanwarynda tälimçi bellendi. Onuň ýolbaşçylygynda topar geçen möwsümde Türkiýäniň çempionatynda dördünji orny eýeledi we milli kubogyň dörtden bir finalyna çykdy. 2018-nji ýyldan 2021-nji ýyl aralygynda Angliýanyň “Mançester Ýunaýtediniň” baş tälimçisi boldy, onuň bilen 2020/21 möwsüminiň Ýewropa ligasynyň finalyna çykdy. Oýunçy hökmünde Sulşer 1996-njy ýyldan 2007-nji ýyla çenli “Mançester Ýunaýtedde” çykyş etdi, Angliýanyň alty çempionlyk titulyny, ýurduň iki Kubogyny, iki Superkubogyny gazandy, şeýle-de 1998/99 möwsüminiň Çempionlar ligasynda ýeňiji boldy. 


düýn 13:31
7.6k+

Çempionlar ligasynyň bije çekişigi geçirildi. 36 klubuň ählisi öz garşydaşyny bildi

28-nji awgustda 2025/26 möwsüminiň UEFA-nyň Çempionlar ligasynyň bije çekişigi geçirildi. Ýewropanyň esasy ýaryşyna 36 gatnaşyjynyň ählisi umumy tapgyr boýunça öz garşydaşlaryny bildi. Her topar sekiz garşydaş: reýting boýunça düzülen 4 sebediň hersinden iki topar bilen duşuşar...

düýn 07:25
8.1k+

«Altyn asyr» toparynyň AFK-nyň Çagyryş ligasyndaky garşydaşlary belli boldy

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy. Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular...

düýn 00:59
8.3k+

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

düýn 00:20
7.9k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...