Lamborghini brendiň taryhynda iň tiz ýol awtomobili boljak Fenomeno giperkarynyň çykaryljakdygyny habar berdi.
“Bu häzire çenli döredilen iň kuwwatly V12 hereketlendirijisi we iň tiz Lamborghini” – diýip, kompaniýa belledi. Her awtomobiliň bahasy 3,5 mln dollar bolar. Jemi 29 nusga çykarylar, ýene biri kolleksiýa hökmünde dörediler.
Fenomeno ulagynyň global premýerasy Montereýdäki Awtomobil hepdeliginde boldy. Awtomobil Sián we Countach modelleri bilen bir hatarda çäkli Few Off seriýasyna girer diýip, Top Gear habar berýär.
Giperkar 835 cv (metrik at güýji) kuwwatly 6,5 litrlik V12 atmosfera hereketlendirijisi we 245 cv kuwwatly üç elektrik hereketlendirijisi bilen enjamlaşdyryldy. Umumy kuwwat 1080 cv (1065 at güýji) ýetýär. Bu bolsa Revuelto modelinden (1001 at güýji) ýokarydyr.
Fenomeno-nyň 100 km/sag çenli tizligini artdyrmagy 2,4 sekunt wagt alýar, iň ýokary tizlik 350 km/sag ýetýär.
Ýokary görkezijiler elektrik tirkegde 20 km ýoly üpjün edýän 7 kWt/sag sygymly täze batareýanyň kömegi bilen mümkin boldy. Deňeşdirmek üçin, Revuelto-da bary-ýogy birnäçe sekunt üçin ýeterlik bolan 3,8 kWt/sag akkumulýator oturdyldy.
Täze model karbondan monokoka, uglerod süýüminden kuzowa, karbon-keramik tormoza we Bridgestone Potenza Sport tekerli tigirlere eýe boldy. Uly howa ýygnaýjylary bolan dizaýn Huracán GT3-den ylham aldy, ulagyň silueti bolsa Essenza-nyň “uzyn guýrugyna” meňzeýär.
