Belgiýaly ýarymgoragçy Kewin de Brýoýne “Napoliniň” oýunçysy boldy. Bu barada italýan klubunyň metbugat gullugy habar berdi.
“Şa Kew şu ýerde” – diýlip, “Napoliniň” X sosial ulgamyndaky (ozal Twitter) habarynda aýdylýar.
De Brýoýne hem “Napoli” klubuna geçmegine sosial ulgamlarda “Men bärde” diýip ýazmak bilen teswir berdi. Ol posta janköýerleriň we žurnalistleriň nädip garşy alandygynyň suratlaryny goşdy.
KHBS-iň maglumatlaryna görä, 33 ýaşly hawbek bilen şertnama ýene bir möwsüm uzaltmak mümkinçiligi bilen iki ýyllyk baglaşyldy. Oýunçynyň ýyllyk zähmet haky 5 mln ýewro barabar.
Aprel aýynda de Brýoýne “Mançester Sitiden” gidýändigini habar berdi, ol bu klubda 2015-nji ýyldan bäri çykyş etdi. Ol toparyň düzüminde geçen dokuz möwsümde alty gezek Angliýanyň çempionatyny utdy, Çempionlar ligasynyň we Klublaýyn dünýä çempionatynyň ýeňijisi, iki gezek Angliýanyň Kubogynyň, bäş gezek Iňlis ligasynyň kubogynyň, üç gezek Angliýanyň Superkubogynyň eýesi boldy.
Belgiýanyň milli ýygyndysynyň düzüminde de Brýoýne 2018-nji ýylyň dünýä çempionatynyň bürünç baýragynyň eýesi boldy.
Transfermarkt portalynyň maglumatlaryna görä, futbolçynyň bazar bahasy 20 mln ýewro barabar.
