Milanyň “Inter” futbol kluby Kristian Kiwuny toparyň baş tälimçisi wezipesine belledi. Bu barada klubuň resmi saýtynda habar berilýär. 44 ýaşly rumyniýaly hünärmen bilen şertnama 2027-nji ýylyň tomsuna çenli hereket eder.
Kiwu “Interde” goragçy hökmünde 2007-nji ýyldan 2014-nji ýyla çenli çykyş etdi. Oýun karýerasyny tamamlandan soň, klubuň ulgamynda tälimçi bolup işe başlady. Soňra klubuň ýaşlar toparyna ýolbaşçylyk etdi.
2025-nji ýylyň fewral aýyndan iýun aýyna çenli Kiwu Italiýanyň “Parma” klubuna tälimçi boldy. Indi ol baş tälimçi hökmünde Milan klubuna gaýdyp gelýär.
Bu wezipede Kiwu Simone Indzagini çalyşdy. Hünärmeniň ýolbaşçylygynda “Inter” iki gezek UEFA-nyň Çempionlar ligasynyň finalyna çykypdy. Indi Indzagi karýerasyny “Al-Hilýal” saud klubunda dowam etdirer.
