Lamin Ýamal täze möwsümden başlap, “Barselonada” meşhur onunjy belgide oýnar. Klubuň ýolbaşçylygy bu belgini ýaş futbolça 13-nji iýuldan soň, oýunçy 18 ýaşyna ýetenden soň bermek kararyna geldi diýip, X sosial ulgamynda Memorabilia1899 akkaunty habar berýär.
Häzir bu belgi Ansu Fatide, ýöne ol Fatiniň toparda galjakdygyna ýa-da ýokdugyna garamazdan Ýamala berler.
Klub bu çözgüt atributika satuwyny ýokarlandyrar diýip pikir edýär. Ispan KHBS-i “Barselonanyň” Ýamal üçin zähmet hakyny ýokarlandyrmak bilen täze uzak möhletleýin şertnama taýýarlaýandygyny habar berýär.
Ozal “Barselonanyň” taryhynda onunjy belgini Lionel Messi, Diego Maradona, Ronaldinýo, Riwaldo we Romario alypdy.
Ýamal “Barselonada” 2023-nji ýyldan bäri çykyş edýär. Bu döwürde ol iki gezek Ispaniýanyň çempionatyny utdy, ýurduň Kubogyny we Superkubogyny gazandy. Ispaniýanyň milli ýygyndysynyň düzüminde 2024-nji ýylyň Ýewropa çempiony boldy. Häzirki möwsümde Ýamal 59 oýna gatnaşyp, klub we milli ýygyndy üçin 19 gol geçirdi.
