16-njy maýda agşam “Barselona” futbol kluby şäheriň köçeleri bilen çempionlyk ýörişini geçirdi. Oýunçylar we tälimçiler ştaby üsti açyk iki gatly awtobusda Kataloniýanyň paýtagtyna aýlandy.
Ýöriş ýerli wagt bilen sagat 18:00-da başlady. Futbolçylary jemlän awtobus “Kamp Nou” stadionyndan hereket edip başlady we birnäçe duralga bilen öňünden kesgitlenen ugur boýunça ýöredi. Janköýerler oýunçylary aýdymlar we şowhunlar bilen garşy aldy.
Hereket şäheriň iň belli binagärlik ýadygärlikleriniň biri bolan Triumf arkasynda tamamlandy. Bu ýere topar 21:00-a geldi.
RTVE-niň maglumatlaryna görä, Barselonanyň köçelerine azyndan 670 müň adam çykdy.
Şeýle köpçülikleýin baýramçylygyň sebäbi toparyň 2024/2025-möwsüminde gazanan üç ýeňşi boldy – “Barselona” La Ligada 28-nji gezek Ispaniýanyň çempiony titulyny, şeýle-de Ispaniýanyň kubogyny we Superkubogyny aldy.
Milli çempionatda çempionlygy “Barselona” 16-njy maýda “Espanýol” bilen oýunda utandan soň, möhletinden ir gazandy. Topar 2:0 hasabynda utup, möwsümiň ahyryna iki tapgyr galanda çempion titulyny üpjün etdi.
