Braziliýa Argentinadan utulandan soň tälimçisini wezipeden aýyrdy

  • 29.03.2025 13:39
  • 11k+

Braziliýanyň futbol konfederasiýasy (CBF) milli ýygyndynyň baş tälimçisi Doriwal Žunioryň wezipeden aýrylandygyny habar berdi. Bu çözgüt topar DÇ-2026-nyň saýlama ýaryşynda Argentinadan utulandan soň (1:4) kabul edildi.

“Tälimçi Doriwal Žunior indi Braziliýanyň milli ýygyndysyna ýolbaşçylyk etmeýär. Federasiýanyň ýolbaşçylygy hünärmene minnetdarlyk bildirýär we oňa geljekki karýerasynda üstünlikleri arzuw edýär. Indi CBF onuň ornuny eýelejek hünärmeni gözlemegiň üstünde işlär” – diýlip, guramanyň beýanynda aýdylýar.

62 ýaşly Doriwal Žunior 2024-nji ýylyň ýanwar aýynda toparyň tälimçisi boldy. Onuň şertnamasy 2026-njy ýylyň ahyryna çenli niýetlenipdi. Onuň ýolbaşçylygynda milli ýygyndy 16 oýna gatnaşdy: ýedi ýeňiş, alty deňme-deňlik, üç ýeňliş. DÇ-2026 üçin Günorta Amerikanyň saýlama ýaryşynda Braziliýa dördünji orny eýeleýär.
Öň Žunior Braziliýanyň dürli klublaryna tälimçilik etdi. Ol 2022-nji ýylda “Flamengony” Libertadores kubogynda ýeňşe getirdi.
Insaýder Nikolo Skiranyň maglumatlaryna görä, milli ýygyndynyň täze tälimçisi häzir “Al-Hilýal” saud klubunda işleýän 70 ýaşly portugaliýaly Žorže Žezuş bolup biler. Onuň bilen eýýäm gepleşikler alnyp barylýar.
Žezuş kluba 2023-nji ýylda ýolbaşçy boldy, onuň şertnamasynyň möhleti tomusda gutarýar. Häzir “Al-Hilýal” Saud Arabystanynyň çempionatynda ikinji orny eýeleýär. 


düýn 14:43
6.1k+

Kriştianu Ronaldu yzygider ikinji ýyl Saud Arabystanynda “Altyn butsy” aldy

“Al-Nasryň” portugaliýaly hüjümçisi Kriştianu Ronaldu geçen möwsümde Saud Arabystanynyň çempionatynyň iň gowy bombardiri hökmünde “Altyn butsy” baýragyny aldy. “Kriştianu Ronaldu, “Al-Nasryň” kapitany 2024/2025 möwsüminiň “Altyn butsy” baýragyny aldy – yzygider ikinji gezek...

15.09.2025 11:23
8.2k+

El Nacional: 2026-njy ýyldaky dünýä çempionatyndan soň Fransiýanyň ýygyndysyna Zidan ýolbaşçylyk eder

Fransiýanyň Futbol federasiýasy Zinedin Zidan bilen 2026-njy ýyldaky dünýä çempionatyndan soň milli ýygyndynyň baş tälimçisi wezipesine bellenilmegi barada ylalaşyk gazandy. Zidan Didýe Deşamyň ýerine geler diýip, El Nacional gazeti habar berýär...

14.09.2025 15:36
3.7k+

FIFA milli ýygyndylaryň sentýabr we oktýabr arakesmelerini bir 16 günlük arakesmä birleşdirer

2026-njy ýyldan Halkara futbol federasiýasy (FIFA) milli toparlaryň oýunlary üçin sentýabr we oktýabr arakesmelerini birleşdirer. Ol umumylykda 16 gün dowam eder. Noýabrdaky halkara arakesme üýtgewsiz galar diýip, El Desmarque habar berýär...

14.09.2025 15:30
7.6k+

“Bawariýa” öz stadionynyň öňünde Frans Bekkenbauere ýadygärlik dikdi

“Bawariýa” özüniň “Arena Mýunhen” stadionynyň öňünde dabaraly ýagdaýda klubuň we Germaniýanyň milli ýygyndysynyň meşhur goragçysy Frans Bekkenbauere ýadygärlik açdy. Klubuň prezidenti Gerbert Haýner täze ýadygärligiň ähmiýetini belläp geçdi...