“Borussiýa” 1994/95 möwsümini ýatladýan eşik toplumyny çykardy

  • 07.03.2025 22:50
  • 3.3k+

Dortmundyň “Borussiýasy” täze eşik toplumyny hödürledi. Puma-dan bu toplum şu gün satuwa çykdy we Bundesliganyň çäklerinde geçiriljek golaýdaky oýunda ulanylar diýip, klubuň metbugat gullugy habar berdi.

Şenbe güni, “Augsburga” garşy öý oýnunda “Borussiýanyň” oýunçylary 1994/95-nji ýylyň rowaýaty eşik toplumyndan ylham alan neon köýnekçelerinde meýdança çykar. Şonda topar 32 ýylda ilkinji gezek Germaniýanyň çempionatynyň ýeňijisi bolupdy.

 “Şu ýyl biz 30 ýyl mundan ozalky ýatdan çykmajak, şatlykdan we begençden doly möwsümi ýatlaýarys. 90-njy ýyllaryň “Borussiýasy” düýbünden üýtgeşik ruhy özünde jemleýär. Meýdançada esasy zat güýçli bolmak, mümkinçiliklerden peýdalanmak we öz arzuwyňa ynanmagy bes etmezlikdir. Neon reňkli köýnekçeler ýiti, ünsi özüne çekiji we özboluşlydy. Bu ýörite köýnekçeleriň üsti bilen biz bu ruhy täzeden dikeltmek we adamlary öz ýoly bilen gitmäge – batyrgaý, haýbatly bolmaga oýarmak isleýäris” – diýlip, klubuň saýtynda aýdylýar.

Habarda eşik toplumynyň “Tapawutlanmaga het etmek” şygary bilen döredilendigi bellenilýär. 



düýn 19:46
3.9k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7.8k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
5k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
11k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...