2028-nji ýylda Los-Anjelesde Olimpiýa oýunlaryny geçirmek üçin garaşylýan çykdajylar 6,82 mlrd dollara ýetýär. Maliýeleşdirmäniň esasy bölegi hususy hemaýatkärlerden we Halkara Olimpiýa komitetinden gelmeli.
Oýunlaryň guramaçylyk komitetinde 250 adam zähmet çekýär, ýylyň ahyryna çenli olaryň sany iki esse artar. Hususy hemaýatkärleriň býujete 2,5 mlrd dollar goşant goşmagyna garaşylýar, ýöne olaryň köpüsi häzirlikçe şeýle goldawy bermäge taýýar däl. Maliýeleşdirmäni işjeňleşdirmek üçin ýörite maslahat hem geçirilip, gatnaşyjylara “ýa-ha häzir töläň, ýa-da hiç haçan” diýlip aç-açan aýdyldy.
Mundan başga-da, esasy girdeji çeşmesi ýaýlymlar we petek satuwy bolar, ýöne arzan orun wada berilmeýär. Los-Anjelesiň häkimiýetleri bu çärä kömek edip bilmese gerek, çünki ýakynda şäher güýçli ýangyndan zyýan çekipdi. Weýrançylyklar sebäpli hatda bu sebitde Oýunlary geçirmegiň maksadalaýyklygyna-da şübhe döredi. Ýöne bu eýýäm geçmişde.
